Jabberwocky (akesi Jaba)

Est Reading Time: 1 min

a! tenpo Brilig la soweli jaki

li musi li moku li lape li lon.

soweli sewi li lili li suwi

li sike li tawa lon tawa kon.

“jan lili, o kute, o pilin ike

tan waso Jubjub, tan akesi Banda

o pilin ike tan akesi Jaba!

uta en luka pi ona li moli.”

ona li pana e ilo utala.

tenpo suli la jan lili li tawa.

ona li awen li pilin li pona

lon anpa pi kasi palisa Tumtum.

a! tenpo ni la akesi li kama!

ona li tan ma kasi pimeja.

ona li jo oko tu sama seli

ona li kalama kalama mute!

wan tu! wan tu! ilo utala

li wawa, li kalama, li pakala

ona li moli e akesi ni

li tawa musi lon poka lawa

“sina moli e akesi Jaba,

anu seme? o kama, o kama!

jan pona mi! mi pilin pona!”

ona li toki musi tan ni.

a! tenpo Brilig la soweli jaki

li musi li moku li lape li lon.

soweli sewi li lili li suwi

li sike li tawa lon tawa kon.